csg458.71 csg457.52 MAIUS. HIDE LINKS TO MANUSCRIPTS HIDE APPARATUS
| 1 | KAL. MAII. Hieremiae prophetae, et in Hierapoli Philippi apostoli qui Ebionitarum haeresin exstinxit, et quievit in pace. Passio sancti Iacobi apostoli in Hierosolyma, quem Scribae et Pharisaei posuerunt super pinnam templi; sed cum ita agerent, et viderent omnes gratulari in praedicatione eius, praecipitaverunt eum ex alto, et corruens nihil laesus, sed magis praedicabat; tunc iratus quidam ex Pharisaeis pertica fullonis cecidit fortiter in caput eius, et evertit cerebrum, et in Hierosolyma passio sancti Iudae, sive Quiriaci episcopi, cui revelatum est lignum Dominicae crucis. Eodem die in Acaurio passio sancti Sigismundi regis. |
| 2 | csg458.72 csg457.53 VI NON. Sancti Patris nostri Athanasii episcopi Alexandrini. |
| 3 | V NON. in Hierosolyma inventio sanctae crucis ab Helena regina post passionem Domini, anno 233, regnante Constantino imperatore, filio ipsius Helenae. Romae, Alexandri papae, et Eventii, et Theodoli presbyterorum, quorum primus post vincula, carceres, equuleum, virgulas et ignes, punctis creberrimis per tota membra peremptus est: sequentes et ipsi post longam carceris sustinentiam ignibus examinati, et ad ultimum decollati sunt ab Aureliano iudice tempore Traiani principis. Eodem die depositio sancti Philippi confessoris. |
| 4 | IV NON. Passio sancti Floriani martyris tempore Diocletiani et Maximiani imperatorum, saeviente iniquissimo praeside Aquilino apud Nutricum Ripensem [Noricum Ripense]; qui cum se videret superatum a Floriano, iussit eum capitalem subire sententiam, et duci ad fluvium Aneso [Anisum], csg458.73 et ibi praecipitari eum de ponte. |
| 5 | III NON. In Arelato depositio sancti Hilarii episcopi, csg457.54 qui Pelagianam haeresin in collatoribus deprehendit et corrigere studuit. Antisiodoro eodem die passio sancti Iuviani, lectoris et martyris. |
| 6 | II NON. Passio beatorum martyrum Mariani et Iacobi, et aliorum qui cum iis pro nomine Christi passi sunt. Nam per revelationem eis Dominus praesignavit qualiter vitam praesentem per gloriam martyrii finire debuerunt, sicut in martyrio eorum scriptum continetur. |
| 7 | NONIS. In Nicomedia natalis Flavii episcopi, et Frodisii, Macrobii, Augustini episcopi; et in Constantinopoli, Achaici; Augustoduno depositio beati Placiti presbyteri. |
| 8 | VIII ID. Natalis sancti Victoris martyris in civitate Mediolanensi sub Maximiano imperatore. Nam idem imperator iussit beatum Victorem, qui erat Maurus genere, militis officio csg458.74 functus, propter fidem Christi et confessionem multis modis cruciari, hoc est carcere includi, ubi dies sex mansit sine cibo et potu, postea fecit eum fustibus et flagellis frequentibus caedi: deinde plumbo liquato corpus eius perfundi; csg457.55 sed statim angelus Domini adfuit, et plumbum ita frigidum fecit, sicut aquam de fonte levatam, et non est combustum corpus eius in ulla parte. Novissime vero, cum nullo modo ad idolorum culturam convertere potuit, sed Victor in fide Christi perseverans ubique victoriam habuit, iussit praedictus tyrannus caput eius abscindi, quod sanctus Maternus episcopus audiens factum, collegit corpus eius, et in praedicta civitate cum honore sepelivit. |
| 9 | VII ID. In Axiopoli natalis Quirilli, Gindei et Genonis; et in Tharso Ciliciae, Aphrodisii; et Romae natale sancti Beati confessoris. |
| 10 | VI ID. Sanctorum Faltoni, Pilioni et aliorum martyrum. csg458.75 Romae, Calepodii, Senis presbyteri, sub Alexandro imperatore, qui eum fecit occidi a Laodicio, et corpus trahi per civitatem, atque in Tiberim iactari, die. . . . . Maiarum, quod inventum piscatores levaverunt, et narraverunt Callisto episcopo: at ille acceptum condidit cum aromatibus, et linteaminibus, csg457.56 et sepelivit in coemeterio eiusdem, via Aurelia, milliario ab Urbe tertio, in crypta Vildemari: tunc decollatus est ab Alexandro Palmachius consul, cum uxore, et filiis, et aliis promiscui sexus quinquaginta duobus; cum quibus et Simplicius senator, qui per doctrinam Callisti papae et Calepodii presbyteri nuper fuerant baptizati. Scriptum in Passione sancti Callisti papae. Eodem die natale Gordiani martyris, qui sub Iuliano impiissimo imperatore passus est. Nam praedictus tyrannus cum praecepisset memorato Gordiano vicario suo, cum adhuc paganus esset, ut Ianuarium csg458.76 presbyterum diligenter exquireret, si quo modo illum posset avertere a fide Christi: sanctus autem Ianuarius illum magis lucratus est Christo, et baptizavit simul cum Marina uxore sua; quod audiens factum Iulianus praecepit Clementiano iudici ut eum, si nollet idolis sacrificare, puniret. Nam iratus iussit inscriptionibus damnari sanctum Ianuarium presbyterum et beatum Gordianum, uxorem autem eius Marinam in quadam villa, quae vocacsg457.57tur Aquas Salvias, in servitio rusticorum opprimi. Cum autem vidisset Clementianus quod sanctus Gordianus nullo modo a statu fidei suae averti posset, iussit eum primum plumbatis caedi, deinde capite truncari; quod cum factum comperissent Christiani, nocturno silentio venerunt et rapuerunt corpus venerandum sancti martyris Gordiani, et venientes in via quae Latina nuncupatur, non longe ab urbe Roma milliario csg458.77 plus minus uno, posuerunt eum in crypta, sexto Idus Maias, ubi iam pridem sanctum Epimachum sepelierant. |
| 11 | V ID. Passio sancti Evellii martyris, qui videns passionem sancti Torpetis martyris et mirabilia quae fecit, credidit Christo, qui antea consiliarius Neronis imperatoris fuit, qualiter Christiani martyrizarentur. |
| 12 | IV ID. Sancti Patris nostri Epiphanii episcopi Cypri, et Romae sancti Pancratii, qui cum esset annorum quatuordecim, sub Diocletiano martyrium capitis detruncatione complevit. Eodem die Romae passio sanctorum Nerei et Achillei fratrum. |
| 13 | III ID. Festivitas sancti Onesimi confessoris. csg457.58 Ipso die Mariae martyris festivitas celebratur: quae cum fuisset Tertulli cuiusdam viri principalis ancilla, nobilitatem domini mentis benignitate vincebat, et Christo se probavit ingenuam. csg458.78 Haec cum a domina sua per tormenta a fide Christi recedere cogeretur, nullo modo consensit. Propter hoc praesidi tradita est ad cruciandum; sed eam nec minae ipsius, nec tormenta a Christo separare poterant; novissime super petram grandem ad decollandum adducta, ipsius petrae divisione facta, Christi famula illuc intravit, subitoque petra iterum semetipsam concludit, nec quemquam persecutorum ancillam Christi persequi sinebat, sed usque ad diem iudicii ita conclusam servat. Eodem die in oppido Traiectense natale sancti Servatii episcopi et confessoris, qui cum Tungrensem regeret Ecclesiam tempore quo Huni venturi erant in Galliam, timens populo sibi commisso, ne ab Hunis vastaretur, perrexit Romam deprecaturus, quatenus per merita et intercessionem sanctorum csg457.59 apostolorum impetraret defensionem populi sui. Cumque ibidem ieiuniis, et obsecrationibus per multorum csg458.79 dierum spatia in tali afflictione moraretur, fertur tale ab apostolo Petro accepisse responsum: 'Quid me, vir sanctissime, inquietas? Ecce enim apud Dominum deliberatione prorsus sancitum est, Hunos in Gallias advenire, easque maxima tempestate debere depopulari. Nunc igitur sume consilium meum, accelera velociter, ordina domum tuam, sepulturam compone, relinque linteamina munda. Ecce enim migraveris a corpore, nec videbunt oculi tui mala quae facturi sunt Huni in Galliis, sicut locutus est Dominus noster.' Accepto ergo hoc responso remeavit ad Ecclesiam sibi commissam, nuntians suis responsum beati Petri, et post non multos dies vitam praesentem finiens, migravit ad aeternam requiem. Hic quoque sepultus in loco Traiectensi, cum sepulcrum eius sub divo esset positum, nec nix, nec pluvia cecidit super csg457.60 eum, csg458.80 donec a successore eius sancto Munulfo episcopo templum magnum in eius honore constructum est. |
| 14 | II ID. Sancti Patris Pachumii [Pachomii], qui cum esset factis apostolicae gratiae insignis, fundatorque Aegypti coenobiorum, scripsit monasteriorum Regulas, quas angelo dictante didicerat simul et de tempore Paschali. Ipso die in Syria natalis Victoris et Coronae, sub Antonino imperatore, duce Alexandriae Sebastiano. Erat autem Victor miles a Cilicia, cui Sebastianus in confessione fidei confringi digitos et evelli iussit a cute; deinde illum in caminum ignis mitti, ubi triduo permanens non est laesus; deinde venenum bibere iussus, non est mortuus, sed veneficum potius ad fidem convertit; deinde iussum est nervos corporis eius tolli; deinde oleum bulliens mitti in pudendis eius. Post haec iussit lampades ardentes suspenso ad latera applicari; post hoc acetum et calcem simul misceri, et dari ei in orecsg458.81. Deinde oculos erui; dein triduo deorsum capite suspendi, et dum adhuc spiraret, iussit eum excoriari. Tunc Corona cum esset uxor militis cuiusdam, csg457.61 coepit beatificare sanctum Victorem pro gloria martyrii, et dum hoc faceret, vidit duas coronas coelo delapsas, unam Victori, et alteram sibi missam; cumque et hoc cunctis audientibus protestaretur, tenta est a duce, iussumque duas arbores palmae curvari ad invicem, et cannabinis funibus ligari coronam in utraque, manibus et pedibus, et sic arbores dimitti, quod dum fieret, divisa est Corona in duas partes. Erat autem annorum sedecim. Tum quoque Victor decollatus, et ipse victoriae perennis triumphum meruit. |
| 15 | IDIBUS. In Syrmio natalis Timothei et sex virginum. Et in Sardinia natale Simplicii presbyteri; et in civitate Filasiana, Rosulae. |
| 16 | XVII KAL. IUNIAS. In civitate Picino Ausimo natale csg458.82 Diocletiani et Florentini. In Antisiodoro passio sancti Peregrini, primi episcopi ipsius civitatis. In Trecasine depositio Fidoli, presbyteri et confessoris. |
| 17 | XVI KAL. In Alexandria natale Adrionis, Victoris et Basillae. |
| 18 | XV. KAL. Hortasi et Serapionis presbyteri, et csg457.62 Marci papae, et Potamionis. |
| 19 | XIV KAL. Sanctae Pudentianae virginis, quae fuit filia Pudentis et soror Praxedis virginis. Ipsa autem soror Praxedis et Pudentiana, omnem facultatem dividentes inter se, coeperunt vendere omne patrimonium et erogare pauperibus. In eodem vero loco ubi titulum meo nomini pater earum bonae recordationis Pudens dedicavit, et hoc consilium inter me et famulas Christi Praxedem et Potentianam [Pudentianam] filias sacratas convenit, ut in die sanctae Paschae, quia desiderio earum et nimio ardore fidei urgebantur, propter familiam communem, csg458.83 quae gentilis erat, in eodem titulo fontem baptismi construere studuissent; quem titulum sanctus Pius manu sua consecravit; ubi baptizata est omnis familia eorum, et ingenuitatem postea promeruit: sancta Pudentiana autem duodecimo anno vitae suae emigravit ad Dominum. Eodem die natale sanctorum Calocerii [Caloceri] et Parthenii, eunuchorum uxoris Decii imperatoris, quorum unus cum esset praepositus cubiculi, alter vero primicerius, nolentes sacrificare idolis, a Decio occisi sunt. csg457.63 Depositio domini Alcuini. |
| 20 | XIII KAL. Passio sanctorum martyrum Cononis, et filii eius, in civitate leonia provinciae Isauriae, regnante Aureliano tyranno, sub Domitiano comite. Nam ipse sanctus Conon habuit uxorem, et discessit, castusque permansit, habens filium, et accipiens eum mansit in solitudine. Ambulavit enim csg458.84 in viis Moysi, increpans fluctus, faciens mandata Dei. Erat enim prope ipso loco fluvius torrens, quem nullus poterat de vicino loco a multitudine aquae transire: appropiante vero populo rogabant sanctum Cononem ut eo transfretaret; increpans sanctus Conon aquam statuit eam, et faciens viam eduxit eam. Descendente vero sancto Conone in monasterium suum, iubens aquis ut non currerent usque ad tempus: deinde implens se aqua inundavit plurimum. Cognoscens sanctus Conon quod factum fuisset, pergens veni ad flumen, iubens ei ut ita curreret sicut cursus eius erat csg457.64 secundum misericordiam Dei: unde hactenus omnes habitantes laetantur ab eo, et subiectae sunt ei non solum aquae, sed et omnis ipsa terra. Completum est enim, quod scriptum est: Quod si habueritis fidem tanquam granum sinapis, dicite huic monti: Transi [Matth. XVII]; et non solum csg458.85 aquis imperat, sed et fluctibus iubet. Nam praedictus Domitianus, agnoscens virtutem sancti viri, ascivit eum ad se et filium eius, et torquere eos iussit in craticula super carbones ardentes posita, oleo in ignem fuso, sed vincere eos non potuit, quia Deus de igne eos liberavit; postea malleum ligneum afferre, et manus eorum conterere praecepit; sed ipsi in fide coepta perseveraverunt, sicque orationem facientes tradiderunt spiritum, migrantes ad coelestia regna. |
| 21 | XII KAL. In Mauritania natale Timothei, et in Ravenna Martyriae. In civitate Antisiodorensi depositio beati Valis [Valentis] presbyteri et confessoris. |
| 22 | XI KAL. In Africa, Casti et Emili [Aemilii], qui per ignem passionem consummaverunt: csg457.65 scribit Cyprianus libro de Lapsis. |
| 23 | X KAL. Passio sancti Desiderii episcopi et martyris. |
| 24 | IX KAL. In Galliae civitate Mammetis natale csg458.86 sanctorum Rogatiani et Donatiani, germanorum et martyrum. |
| 25 | VIII KAL. Romae sancti Urbanae papae et confessoris [martyris], cuius doctrina multi martyrio coronati sunt. |
| 26 | VII KAL. In Britannia depositio Augustini, primi Anglorum episcopi. Eodem die Romae passio Marcellini papae, qui temporibus Diocletiani passus est, quo tempore fuit persecutio magna, ut intra triginta dies septemdecim millia hominum promiscui sexus per diversas provincias martyrio coronarentur Christiani. De qua re et ipse Marcellinus ad sacrificium ductus est ut thurificaret, quod et fecit; et post paucos dies, poenitentia ductus, ab eodem Diocletiano pro fide Christi cum Claudio, et Cyrino, et Antonio, capite est truncatus et coronatus martyrio. |
| 27 | VI KAL. In Parisiaca civitate nativitas sancti Germani episcopi et confessoris, qui ex nobilibus csg457.66 parentibus natus fuit; sed licet eum genitrix eius malitiosa csg458.87 mente interficere voluisset, tamen divino auxilio a periculo mortis liberatus, in pueritia sua sanctis viris ad Dei servitium nutriendum commendatus proficiebat in gratia Dei. Presbyter ordinatus a pontifice Nectario, abbas ad sanctum Symphorianum dignus assistitur: in quo officio non solum virtutibus, sed etiam signis Deo placitus esse demonstratur. Postea vero episcopus ordinatus nobiliter Parisiacam rexit Ecclesiam, multisque profuit non solum in doctrina, sed etiam et in infirmorum curatione. Ad extremum vero in omni bono perfectus octogenarius migravit ad Dominum. |
| 28 | V KAL. Depositio sancti Ioannis papae, quem quia orthodoxus erat, et a Iustino imperatore orthodexo Constantinopolim veniens gloriose susceptus erat, Theodoricus rex Arianus revertentem in Ravenna in csg458.88 custodia tentum ad mortem usque cum aliis aeque csg457.67 catholicis viris perduxit XV Kal. Iunias. Huius meminit sanctus Gregorius in libro Dialogorum, cuius corpus, translatum de Ravenna, sepultum est in basilica sancti Petri apostoli V Kal. Iunias, Olybrio consule. |
| 29 | IV KAL. In Treviris depositio Maximini episcopi et confessoris. Eodem die in regione Anagnia [Anaunia] iuxta Tridentinam urbem passio sanctorum martyrum Sisinnii diaconi, et Martyrii lectoris, atque Alexandri ostiarii, qui sub Stilicone consule passi, coronam promeruerunt. Nam sanctus Sisinnius capite tuba percussus, atque securibus confossus est. Martyrius fustibus caesus, Alexander vivus vinctis pedibus trahendus apponitur, ut per scopulorum itinera palpitantium membrorum partes amitteret, donec ad vitae terminum perveniret. |
| 30 | csg458.89 III KAL. In Antiochia sanctorum martyrum Sicii [Syci] et Palatini, qui multa tormenta propter nomen Christi passi sunt. |
| 31 | II KAL. Romae nativitas Petronellae virginis, filiae sancti Petri apostoli, quam beatus csg457.68 apostolus, rogantibus fidelibus, a paralysi sanavit; sed statim ut surrexit sana, et ministerium explevit, iterum iussit eam ad grabatum redire. At ubi in Dei timore coepit esse perfecta, non solum ipsa salvata est, sed etiam plurimis recuperavit in melius suis orationibus sanitatem. Et quoniam nimis speciosa erat, venit ad eam Flaccus comes cum militibus ut eam sibi uxorem acciperet; cui Petronella ait: 'Ad puellam inermem cum militibus armatis venisti; si uxorem me habere vis, fac matronas virgines honestas ad me post tres dies venire, ut cum ipsis veniam ad domum tuam.' csg458.90 Factum est autem ut trium dierum acceptum spatium virgo sancta ieiuniis et orationibus occuparet, habens secum sanctam virginem Feliculam, collactaneam suam, in Dei timore perfectam. Tertio itaque die veniens ad eam sanctus Nicomedes presbyter, celebravit mysteria Christi; virgo autem sacratissima mox ut Christi csg457.69 sacramentum accepit, reclinans se in lectulum, emisit spiritum. Eodem die martyrizati sunt beatissimi martyres Cantius, Cantianus et Cantianilla, imperante Diocletiano, et regnante Domino nostro Iesu Christo. |